aspanif.org

Cambio de Hosting

Admin — Mon, 14 Feb 2011 18:23:20 +0000

Esta web queda desactualizada.

La nueva se encuentra en la siguiente dirección http://blog2.aspanif.org

Asanbladaz

josebabarandi — Sun, 06 Feb 2011 21:27:42 +0000

Pozgarria izan zen Asanbladan elkartutako bazkide kopurua. Beharrezko eta interesgarritzat jotzen dugu, egindakoa, egingo duguna eta diru kontuak ezagutarazteko.

Ekitaldiaren zati batean lagun izan genituen Euskadiko Logopeda Elkargoko arduradun nagusiak (Antonio Clemente, Patxi Matos eta Elena Perez) eta eurekin egungo egoeraz jardun ginen. Logopedia laguntzaren egoera hobetzeko elkarrekin lan egitea beharrezkoa dugula ikusi genuen.

Elkarteko bazkide berria den Teresa Lasagabaster ortodonzista ere han izan zen, geure arazoen gaineko bere ikuspegia emanez.

Hortaz gain, profesional ezberdinen gaineko iritzi trukaketa ere izan zen (ortodonzista, zirujau eta logopedak); argi gelditu zen norberaren araberakoak direla jasotako tratuaren gaineko iritziak. Zenbat buru, hainbat aburu.

Ongietorriak lirateke (bazkideek kontuan har ditzaten), zeuen eskarmentuz, lan egokia egiten duten profesionalen gaineko iradokizunak.

Asanbladaren berri eman zuen ondoko komunikabideak:- El correo

Milesker Asanbladan izan zineten guztioi.

Lipdub lehiaketa

josebabarandi — Sun, 28 Nov 2010 22:11:18 +0000

ETB lehiaketa bat prestatzen ari da; bertan elkarte ezberdinek parte hartu dezakete. Horietatik lau epaimahai batek aukeratuko ditu eta boskarrena internet bidezko bozketaz. Gure elkartea ezagutarazteko aukera ona iruditzen zaigu eta, horregatik eskatzen dizuegu, web gunean sartu eta ahosabai hautsidun umeen bideoa bozka dezazuen.

Web guneko informazioa: oinarriak

Bozketari dagokiona: bozketa

Mozioa onartu du Legebiltzarrak

josebabarandi — Thu, 21 Oct 2010 21:27:13 +0000

Gaur, 2010eko urriak 21eko osoko bilkuran MOZIOA onartu du Eusko Legebiltzarrak, Laura Garrido Knörr Euskal Talde Popularreko legebiltzarkideak aurkeztua, ezpain eta ahosabaiko arteka duten haurren tratamenduari buruz. Eztabaida eta behin betiko ebazpena. [09\1130058]

ONETSITA. APROBADA.

2010eko Urriak 21ean onetsitako mozioa (131.orrialdean)

Mozioa Eusko Legebiltzarrean

josebabarandi — Tue, 19 Oct 2010 12:43:20 +0000

Aspanifen eskakizunen gaineko mozioa

Aurreko asteko interpelazioaren ondotik, mozio hau bozkatzea proposatu du orain Laura Garrido legebiltzarkideak.

Hilak 21eko osoko bilkuran talde guztiek izango dute proposamen honi buruzko iritzia emateko aukera.

Esan gabe doa, alderdi, politikari eta, orohar, interesa duen orori zabalik dagoela gure elkartea behar dituzten argibideak lortzeko.

ETBn elkarrizketak

josebabarandi — Wed, 13 Oct 2010 21:05:03 +0000

Urriak 7an ETB-1eko Azpimarra saioak gure elkarteko idazkari Miren Viteri elkarrizketatu zuen.

Urriak 8an, berriz, ahosabai hautsiez arduratzen diren zirujauak eta gure elkarteko zenbait kide elkarrizketatu zituen ETBk Gaur Egun eta Teleberri albistegietarako. Youtube-ren web orrian Aspanif bilatuta erraz topatu litezke:

Hemen da euskarazkoa: http://www.youtube.com/watch?v=QoMXGfGVwCs

Gaztelerazkoa, aldiz, hemen dago: http://www.youtube.com/watch?v=-A6rbfPbBPg

Milesker EiTB taldeari gure elkartearen aldarrikapenen oihartzuna zabaltzeagatik.

Interpelazioa Eusko Legebiltzarrean (2010-X-8)

josebabarandi — Wed, 13 Oct 2010 20:51:49 +0000

2010eko urriak 8ko bilkuran, Laura Garrido Knörr andereak galdera edo interpelazioa luzatu zion Osasun eta Kontsumo Sailburu Rafael Bengoari, ahosabai hautsidun haurren tratamentuaren gainean. Jatorrizko dokumentua www.parlamento.euskadi.net web orrian topatu daiteke; zehatzago ondoko helbidean http://www.parlamento.euskadi.net/fr_iniciae/DDW?W=INI_NUMEXP=%2709\1041141%27

Ahosabai hautsidunen arazoari dagokionez, badirudi Osasun Sailak ez duela kontrako jarrerarik a priori eta gastatu ez diren beste zenbait ataletatik erraz lor litzakela ortodontziarako eskatzen diren 30.000 euroak.

Nolanahi den, Sailburuak kontuok aurrekontu garaian aurkeztu daitezen ere eskatu zuen, asko baitira urtean zehar egoten diren antzeko eskakizunak.

Urriak 2an gure egitasmo soziala aurkeztuko dugu

josebabarandi — Tue, 05 Oct 2010 21:25:00 +0000

Punto de encuentro ‘Tú eliges: tú decides’ en San Sebastián

Urriak 2an, larunbatarekin, 11.00 eta 19.00ak bitartean, Donostiako Okendo parkean aurkeztu ziren Nafarroako Kutxaren “Tú eliges: tú decides” ekimenean partehartzaile diren ehun elkarte sozial.

ASPANIF da horietako bat: Nafarroako Kutxari geure egitasmoa aurkeztu diogu, Nafarroako Kutxaren bezeroek bozkatu ahal izan dezaten eta euren ekarpenekin gure jarduna finantziatzen lagun diezaguten.

Zuen ekarpen eta laguntza ongietorria izango da. Nafarroako Kutxaren bezero bazarete (nahikoa da kontu bat izatea), galdetu Aspanifen egitasmoaz eta gure laguntzaile bihutu zaitezke modu errazean. Aitzindaria da kutxa hau bere bezero guztiei Gizarte Ekintzan babestuko dituzten egitasmoak bozkatzeko aukera ematen baitie.

Erbi ezpaindunak

josebabarandi — Tue, 05 Oct 2010 21:18:28 +0000

Malfomazio honi eta gure elkarteari buruzko informazio guztia Nor Gara? eta Gaixotasuna ataletan.

Ahosabai hautsia

josebabarandi — Tue, 05 Oct 2010 21:17:28 +0000

Malfomazio honi eta gure elkarteari buruzko informazio guztia Nor Gara? eta Gaixotasuna ataletan.